16 чэрвеня ў лагеры "Сонейка"
16.06.2020Выхаванцы лагера схадзілі на прагулку, прысвечаную аднаму з сімвалаў наша роднай Беларусі - васільку. Дзеці сабралі цудоўныя букеты палявых кветак і сплялі вянкі, прачыталі цудоўныя вершы М. Багдановіча
Слуцкія ткачыхі
Ад родных ніў, ад роднай хаты
У панскі двор дзеля красы
Яны, бяздольныя, узяты
Ткаць залатыя паясы.
І цягам доўгія часіны,
Дзявочыя забыўшы сны,
Свае шырокія тканіны
На лад персідскі ткуць яны.
А за сцяной смяецца поле,
Зіяе неба з-за акна, –
І думкі мкнуцца мімаволі
Туды, дзе расцвіла вясна;
Дзе блішча збожжа ў яснай далі,
Сінеюць міла васількі,
Халодным срэбрам ззяюць хвалі
Між гор ліючайся ракі;
Цямнее край зубчаты бора...
І тчэ, забыўшыся, рука,
Заміж персідскага узора,
Цвяток радзімы васілька.
Цудоўнай неспадзяванасцю стаў васілёк незвычайнага колеру, які дзеці знайшлі на ўскрайку збожжавага поля.